(Fra) Foto par me mare e tutte le femene che le scolta radio voce del deserto e che le saluta la Elda da Chions e la Ana da Vajont! Par tute le femene in crisi mistica che le fa maia e uncineto in cusina de notte e che le se fà le tisane dopo pasto. Par tutte quele che le studia le storie dei santi e dei martiri e le se comove a vardar el film de San Francesco.
Questa l'è l'acqua santa...se te beve da qua te si salvà par sempre. L'è la sorgente che la te purifica da tuti i mai del stomego, del fià che te manca e de la vesssiga sempre piena che no la se svoda mai e che la te sburta intel fegato! L'è vero! Go da portartene un fià cussì te la finisse de avei mal da par tut. :)
Troppo alta la chiesa o troppo piccolo l'obiettivo...non mi stava! E qua te gà da caminar in tell'acqua cussì te purifica i pìe ma te ga da andar su scalsa! E no te ga da scivolar...e sì, l'è un fià pericoloso, ma te te tien su par qualcossa e cusì no te casca. L'è meio se te la fa in ginocci cussì l'è più penitensa e soferensa, ma fa tì.
Sti qua l'è i fiori de la pasion. Te li ciol e te li mete in tel vaset in cusina, cussì te protege la casa dai mai e i te tien compagnia. Vara de bagnarli che a ti i te more tuti!
E cussì ciò, vara ti che go da convertirme proprio qua in Australia! Qua l'è pien de cesete cussì bele ma cussì bele varaaaaaa!!!!!! Peccà che te toca andar con fular in testa e la felpa de lana perchè te sta poco a ciapar un colpo de fredo! E poi satu le cervicali che mal! Vara, no poso neanca voltar la tasta che aaaaaaaaaaahhhhhhhhhhh! Visto mo che mal! No semo mica pì giovani noialtre...gavemo da coprirse! Qua le fantuline le ze tutte con il bugnigol fora, ma lore le vedarà ben ala nostra età che mal! Perchè se te scoverzi la schena l'è dolori dopo parchè l'è quela che la tien su tut! Ma lore no le capisse! Bon, vado che go le patate in forno che le se brusa. Se veden quan che te decide de venir qua a trovarme e andar par le cese.
Mandi!
Nessun commento:
Posta un commento